Анықтама ақпараты
Мектеп 1982 жылдан бастап білім беру мекемесі ретінде жұмыс істей бастады. Бұл мектепті салу қажеттілігі № 1 Боровской орта мектебінің ескі ғимараты апатты жағдайда болуына байланысты пісіп-жетілді. 1978 жылы наурызда мектеп жабылып, оқушылар мен ұжым екінші ауысымда № 2 орта мектепке ауыстырылды. Жаңа мектеп салу үшін төрт жыл қажет болды, оның табалдырығын 1982 жылы жаңа мектептің ашылуына байланысты жабылған бұрынғы сегіз жылдық мектептің оқушылары мен оқытушылары, № 1 Ескі орта мектептің оқушылары мен мұғалімдер тобы төрт жыл бойы асыға күтті.
Мектептің педагогикалық ұжымы екі мектептің: сегіз жылдық және № 1 орта мектептің мұғалімдерінен тұрды. Жаңа Боровской орта мектебінің алғашқы директоры Николай Федорович Герасименко болды.
Мектеп 56 үлкен және жарық кабинеттердің, екі спорт залдарының, акт залының, асхананың, кітапхананың, киім ілетін орынның, медицина қызметкері кабинетінің болуын қарастыратын үлгілік жоба бойынша салынды.
Мектеп 39 жыл бойы жұмыс істейді. Осы уақыт аралығында оны басқарған: Николай Федорович Тихонюк, Николай Федорович Герасименко,Надежда Семеновна Дмитриева, Людмила Васильевна Швечихина, Бибіғайша Әмірзеқызы Дарменова, Бахытбек Сапабекович Онкаев, Гүлжан Ермашқызы Мендикинова, Маржан Дүйсембайқызы Салмағамбетова, Гүлмира Есмұханқызы Сейдахметова, Роза Серғазықызы Байсакалова, Гүлжан Миасқызы Мұстафина, Юрий Дмитриевич Козачук, Айымгүл Серікбайқызы Балтабаева, Шынар Қайыркенқызы Құрманғалиева, Кәмшат Советханқызы Өтепова.
2021 жылдың қазан айында Қостанай облысы әкімдігі білім басқармасының «Меңдіқара ауданы білім бөлімінің А.Шотаев атындағы Боровской мектеп-гимназия» КММ басшысының м.а. лауазымына Данагүл Төлегенқызы Ерменова тағайындалды, ол біліктілігі жоғары деңгейдегі қазақ тілі мен әдебиеті пәнінің мұғалімі, санаты – педагог- зерттеуші.
Мектептің қалыптасуы мен дамуына біздің ауданымыздағы танымал педагогтар өз үлесін қосты: Н.Я.Метелёва, М.Г. Гладкова, В.М. Марченко, Н.А. Яганцева, Н.Н. Гарвардт, А.П. Ломова, Л.В. Ганжа, М.И. Полякова, Н.П. Климова және тағы басқалар.
"Қазақ КСР білім беру үздігі" жоғары атағына мектеп мұғалімдері Л.В. Ганжа , М.Я. Усольцева, Н.Ф. Герасименко, Н.П. Климова және басқалары ие болды.
2003 жылы №2 Боровской орта мектебінің қайта құрылуына байланысты сол мектептің оқушылары мен педагогикалық ұжымы №1 Боровской орта мектебінің құрамына кірді.
2003 жылдың 10 қазанында Қазақстан Республикасы Президентінің қаулысына байланысты №1 Боровской орта мектебі Ахметқазы Шотаев атындағы Боровской орта мектебі болып өзгертілді. Неліктен Шотаев атындағы? Қазақ КСР-нің еңбек сіңірген мұғалімі Ахметқазы Қаскемелұлы Шотаев 20 ғасырдың 20-50-ші жылдары Меңдіқара ауданында орыс тілі және сурет пәнінің мұғалімі болып қызмет етіп, саналы ғұмырын білім саласына арнады. Шотаевтың шәкірті, жазушы Жайсанбек Молдағалиев оны белгілі қазақ ағартушысы Ыбырай Алтынсариннің дәстүрін жалғастырушы деп атады. Халық арасында ұлы ағартушының рухани мұрагері болудан артық абырой жоқ. Мінсіз педагогикалық қызметі үшін ол Ленин, Еңбек Қызыл Ту ордендерімен, алты медальмен, «Республикаға сіңірген еңбегі үшін» төсбелгісімен, Қазақ КСР Жоғарғы Кеңесінің, Республиканың ағарту министрлігінің Құрмет грамоталарымен марапатталды, ал 1958 жылы оған «Қазақ КСР мектебінің еңбек сіңірген мұғалімі» атағы берілді.
2018 жылдың тамыз айында мектепке мектеп-гимназия мәртебесі берілді. Қазіргі таңда Қостанай облысы әкімдігі білім басқармасының «Меңдіқара ауданы білім бөлімінің А.Шотаев атындағы Боровской мектеп-гимназия» КММ бес гимназиялық сынып жұмыс істейді.
Мектеп өмір сүрген 36 жыл ішінде оқу кабинеттерін жабдықтауда жаһандық өзгерістер болды. Сонымен, 1998 жылдан бастап мектепке компьютерлер әкеліне бастады, екі информатика кабинеті ашылды. 2006 жылдан бастап мектепке мультимедиялық жабдықтар (тақталар, проекторлар, жеке компьютерлер, проекциялық тақталар) беріле бастады, физика, химия, биология, ағылшын тілі, бастауыш сыныптар бойынша кабинеттер оқытудың заманауи құралдарымен жабдықталды. 2018 жылы мектепте робототехника кабинеті ашылды. Кабинет Lego, Arduino, Gizmo конструкторларымен, электроникамен жабдықталған, сондай-ақ 3D-принтер, 3D-сканер орнатылған. 2021 жылы физика кабинеті жаңартылды (жиһаз, жабдықтар, компьютерлік техника, зертханалық жұмыстарды жүргізуге және физика заңдарын зерделеуге арналған жабдықтар).
Мектепте екі рет күрделі жөндеу жұмыстары жүргізілді. Мектеп аумағы да өзінің келбетін өзгертті. Қарағайлар, қайыңдар, гүлзарлар отырғызылды, жолдар төселіп, асфальтталды.
Мектеп аумағында үлкен стадион, жүгіру жолы, секіру шұңқырлары бар, бұл дене шынықтыру сабақтарын және ашық ауада спортпен шұғылдануға жағдай жасайды.
Бүгінде мектеп ұжымы - бұл жұмыста озық технологиялар мен әдістемелерді пайдаланатын 72 мұғалім. Оқытушылар жыл сайын өздерінің педагогикалық деңгейін арттырады. Олар балалардың өмірі мен оқуын қызықты етуге тырысатын адамдар.
69 мұғалімнің жоғары санаты бар- 1 /8- "педагог-зерттеуші" (13%), бірінші санатты - 1 /24- "педагог – сарапшы "(36 %), 20 -"педагог-модератор" (29 %). Мектеп педагогтары өз қызметіне қазіргі заманның жаңа технологияларын енгізуде. Тұрақты негізде біліктілікті арттыру курстарынан өтеді, түрлі кәсіби конкурстар мен олимпиадаларға қатысады, семинарларға, форумдарға және конференцияларға белсенді қатысушы ретінде қатысады.
А. Шотаев атындағы Боровской мектеп-гимназиясы - жетекші мектеп. Жетекші мектеп басқа аумақтық бекітілген мектептермен үнемі өзара әрекеттесіп отырады, бұл олардың нақты қажеттіліктері мен сұраныстары негізінде жұмыс тәжірибесімен алмасуды тиімді ұйымдастыруға, әріптестерге дер кезінде қолдау көрсетуге және олардың біліктілігін арттыруға мүмкіндік береді.
А. Шотаев атындағы Боровской мектеп-гимназиясы – ауданның мақтанышы, өйткені аудан бойынша ең үлкен мектеп қана емес, онда Меңдіқара ауданының барлық оқушыларының 27% оқиды. Көптеген жылдар бойы мектеп білім беру процесінің сапасы бойынша да, оның нәтижелері бойынша да жетекші орын алады.
